طريقة عمل تورتة الايس كريم

المقادير:
2 كيس كريم جانتيه
2 علبة بودرة آيس كريم فانيللا
4ملاعق كاكاو كبيرة
2و 3/2كوب حليب مثلج
2 باكو بسكويت سادة او اكتر زي ماتحبى
ا كوب متوسط حليب محلى بالسكر و الكاكاو و يكون ساخن
شوكولاتة سادة مبشورة و مكسرات للزينة
الطريقة:
يرص البسكويت السادة في صينية مقاس 24
ممكن طبقة او اتنين و بلاش تلاتة عشان ماتنشفش
بعد كدة نسقي البسكويت بالحليب اللي بالكاكاو الساخن..
و نستنى شوية و بعدين نحط الصينية في الفريزر..
و بعد ساعة
نضرب الايس كريم البودرة مع كوب و 3/2 حليب مثلج
نضربهم مع بعض لحد مايحصل تماسك.. اصبرى و ماتستعجلش هياخد وقت شوية ..
و بعدين نحط الايس كريم على البسكويت اللي في الصينية
سبيهم في الفريزير 3 ساعات
و بعد كدة..
نجيب كوب لبن مثلج و نضرب الكريم جانتيه و ال4 ملاعق كاكاو معاه..
و نضربهم كويس لحد مايحصل تماسك برضه..
و بعدين نطلع الصينية و ندهن الايس كريم المتماسك بالكريم جانتيه..
و نرش الشيكولاتة المبشورة على وجه الصينية و المكسرات لو حابين..
و بعد كدة تترك في الفريزر لمدة ساعة
ثم تقطع عادي جداً بالسكين..
و هتلاقوا شكلها جميل و طعمها أجمل..
ملحوظة :
يمكن تبديل الشوكولاتة بالفانيليا او الفواكه..
بس دي مجرد فكرة

» بيتزا طريقة عمل مقادير بيتزا الذ بيتزا